由於寫呢個blog之前電話張memory card 死左, 好多相無晒, wu~~~
所以有D 相係FB度CAP返出黎...
其實呢個花花手指餅好易整既, 大少少既小朋友都可以自己動手做
材料:
1. 手指餅 (12蚊店 / 各大超市有售)
2. 朱古力筆數支(不同顏色) (烘焙用品店 / city super 有售)
3. 紙和筆
4. 牛油紙或焗爐紙, 無既話用保鮮紙都可以架
首先用筆在紙上畫上你喜愛既圖案, 花花手指餅就梗係畫花花啦~
之後係畫左圖案既紙上鋪上焗爐紙(或牛油紙/ 保鮮紙)
而不同顏色既朱古力筆可以係你畫圖案前放定入熱水內, 到你畫完既時候, 佢地就會由固體朱古力變成液體朱古力喇!
通常我會先用啡色(即朱古力原色) 圍邊, 如上圖
待乾, 如心急可放入雪櫃數分鐘再取出, 甘圍邊既朱古力就會凝固
之後, 就可以用你喜愛既顏色朱古力填滿花花
再次待乾, 或放入雪櫃數分鐘
再次取出, 反轉朱古力花就會見到靚靚圖案了, 用剛才餘下既液體朱古力, 當佢係膠水, 將手指餅頭塗上朱古力液體, 再貼上朱古力花花就完成了!
用同一個道理制作, 仲可以整唔同圖案, 大大小小, 變化萬千
以上係簡單版, 如果想要整大圖案或有特定顏色要求, 用以下材料取代朱古力筆就會比較適合
~ 以下係進階版 ~
下圖材料簡介 -
左上: 食用顏色, 通常係買三原色, 自己再溝需要既顏色 (烘焙用品店有售)
中: 啡色朱古力 (烘焙用品店 / 12蚊店有售)
左下: 白色朱古力 (烘焙用品店 / 12蚊店有售)
下: 液體朱古力容器 (烘焙用品店 / 12蚊店有售)
將朱古力放入碗內, 座熱水數分鐘, 變成液體後倒入朱古力容器內, 如要溝色就先加食用色素加入己溶既白朱古力攪拌, 再放入朱古力容器內, 之後做法和用現成朱古力筆一樣!
祝成功! YEAH~
